sabi mo dadayain ko lang ang sarili ko
nasabi ko rin yan sa sarili ko dahil inakala ko
pero hindi ba mas dinadaya ko ang sarili ko
kung ipagkakait ko rito ang paghilom ng sugat ko
paghilom ng sugat na nalikha mo
nalikha mo sa bawat araw ng paglalaro mo
alam ko may kaunting bahagi ng puso ko
ang patuloy na magmamahal sa iyo
pero panahon lang ang makakapagsabi
panahon na lang ang sa atin ay sasaksi
paalam na, paalam na po
at binabawi ko na ang puso ko
ang kaluluwa at kalayaan ko maari na bang kalagan mo
upang aking tangan-tangan sa tuluyang paglaya ko
at wag ka nang humirit upang pigilan ako
dahil bagaman ilang beses na akong palyado sa planong ito
desidido na ang loob ko, ayaw ko na talaga dito...
muli... paalam na po.
paalam.
No comments:
Post a Comment